Naga-edad 18 tubtob 30-anyos, posible na nga maka-loan sa DTI para sa luyag magtukod sang negosyo

Posible na nga maka-loan ang mga indibdiwal nga naga-edad 18 tubtob 30-anyos sa Department of Trade and Industry (DTI) para sa luyag magtukod sang ila kaugalingon nga Negosyo.

Pinaagi sa Youth Enterprise Fund of Small Business Corp. (SBCorp), makahulam sang kwarta halin P30,000 tubtob P500,000 ang mga negosyante ukon sa mga luyag nga magpatindog sang ila business.

Suno sa ahensya, mahimo nga bayran ang nasambit nga loan kutob sa tatlo ka tuig.

Nahibaluan nga bukas na ang DTI para sa luyag nga mag-apply subong nga adlaw, Hulyo 27.