Ginpagwa sa hampang ang apat ka players matapos ang rambol nga natabo sa tunga sang Detroit Pistons kag Charlotte Hornets.
Natabo ang insidente sa third quarter sang gin-foul ni Moussa Diabate sang Hornets si Jalen Duren sang Pistons. Nag-initay ang duha tubtub nga naglapta na ang tensyon sa court kag may nga mga nagtapungulay.
Magluwas kanday Diabate kag Duren, ginpaguwa man sa game sanday Isaiah Stewart sang Pistons kag Miles Bridges sang Hornets.
Halin pa si Stewart sa bench apang nagdalagan ini pa-tunga agud mag-intra man sa tapungulay.
Nadugangan pa ang tensyon sa fourth quarter sang mismo na ang coach sang Hornets nga si Coach Charles Lee ang ginpaguwa sa hampang.
Ini matapos nga ginkaakig sini ang foul nga gintawag sang game official sa iya nga team, kag ginkinahanglan pa nga punggan sang iban nga coaching staff agud indi ini makapanakit.
Nagtakop ang amo nga game pabor sa Pistons, 110-104, nga amo ang nagtapos sang winning streak sang Hornets sa siyam ka mga hampang.
Nagapanguna subong ang Pistons sa Eastern Conference standings (39-13) samtang nagapabilin sa ika-10 ang Hornets (25-29).
