Gin-anunsyo na sang National Basketball Association (NBA) ang tatlo ka finalists para sa Most Valuable Player (MVP) award.
Ini amo sanday reigning NBA Most Valuable Player Shai Gilgeous-Alexander sang Oklahoma City Thunder, Victor Wembanyama sang San Antonio Spurs, kag three-time MVP Nikola Jokic sang Denver Nuggets.
Si Gilgeous-Alexander ang may yara sang average nga masobra 30 pts per game subong nga season.
Ginpangunahan sini ang Thunder sa Western Conference top seed kag nagpanguna man sa paglab-ot sa best record sa liga nga 64-18.
Matandaan nga ginlutos sini anay sanday Jokic kag Giannis Antetokounmpo sa botohay sang nagligad nga tuig kag ginhingadlan man siya bilang NBA Finals MVP matapos ginlutos sang Thunder ang Indiana sa kampyonato.
Sa pihak nga bahin, si Wembanyama, 22, amo ang pinakadaku nga pwersa sa pagsulod sang San Antonio sa playoffs sa labing-una nga tion halin sang 2019. May average siya nga career-high 25 points per game kag 3.1 blocks.
Si Jokic naman ang may average nga triple-double kag nangin first player sa NBA history nga ginpangunahan ang liga pareho sa rebounds kag assists sa pareho lang nga season. May average siya nga 27.9 points, 12.8 rebounds kag 10.8 assists per game.
Nahibaluan nga pareho man nga eligible sanday Los Angeles Lakers star Luka Doncic kag Detroit star Cade Cunningham sa award apisar wala nila nalab-ot ang 65-game minimum apang pareho man sila nga napaslawan nga makalab-ot sa final MVP ballot.
Bisan nga wala sila sa Top 3 para sa MVP, nakalinya naman sila para sa All-NBA honors nga iga-anunsyo samtang padayon ang playoffs.#
 ang tatlo ka finalists para sa Most Valuable Player (MVP) award.){kind=link}