Suguran sang 41-anyos nga basketball superstar nga si LeBron James ang iya paghampang sa Philadelphia 76ers sa opening night mismo sang season 2026-27 sang National Basketball Association (NBA).
Una nga maka-atubang ni James kag sang 76ers ang defending champion nga New York Knicks sa Oktubre 20 sa Madison Square Garden.
Kabahin ini sang tripleheader sa opening night kun sa diin ipasaka sang Knicks ang ila championship banner bilang pagselebrar sa ila una nga kampyonato sa NBA halin sang 1973.
Ini man ang mangin una nga hampang ni James para sa 76ers kag mangin panugod sang ginasiling nga katapusan nga chapter sang iya malawig kag maragtason nga karera sa amo nga liga.
Matandaan nga nagsuprer ang 76ers sang 4-0 sweep sang nagligad nga season sa kamot sang Knicks sa Eastern Conference semifinals.
Pagkatapos sang opening night, magabalik si James sa Los Angeles sa Christmas Day para makaatubang ang iya anay team nga Los Angeles Lakers.
“Sneak peek” pa lamang sang 2026-27 schedule ang napaguwa subong. Balantayan ang full schedule sa Huwebes.
