Negosyante, nakawatan sang malapit P2 million nga cash kag alahas sa iya gintiniran nga resort sa Passi City

ILOILO CITY- May natumod na nga mga persons of interest ang otoridad sa natabo nga pagransak sa kwarto sang isa ka bisita nga negosyante sa Pintados de Passi Resort sa Sablogon, Passi City.

Ang biktima amo si Rafael Agcawili, residente sang Metro Manila kag President sang AESO International Trading Corporation kun sa diin nakuha sa iya ang balor P1, 916,000 nga ginabug-usan sang 400,000.00 cash, relo nga nagabalor P1.4 million, kulintas nga nagabalor 80,000.00, polseras nga nagabalor 30,000.00 kag singsing.

Sa interview sang Bombo Radyo kay PLtCol Aron Palomo, Chief of Police sang Passi City Police Station, iya ginpahayag nga may ginasundan na sila nga anom ka persons sa interest sa insidente.

Suno kay Palomo, bag-o natabo ang pagpangransak, naghiwat pa sang victory party si Agcawili upod sa iya mga tinawo kasunod sang pagbukas sang iya negosyo sa Barangay Imbang Grande.

Padayon ang ginahimo nga imbestigasyon sang Passi City pulis sa possible pagkilala sang mga suspetsado.