ANTIQUE – Ginkumpirma sang Philippine Army nga may yara sang recruitment sang New People’s Army sa Antique.
Sa interview sang Bombo Radyo kay Lt. Col. Joel Benedict Batara, commander sang 61st Infantry Battalion sang Philippine Army, iya ginpahayag nga ang NPA recruitment ang nagakatabo sa mga malayo nga barangay nga sakop sang Hamtic, Sibalom kag San Remigio.
Suno kay Batara, may yara man sang nagakatabo nga forced recruitment ilabi na sa mga pamatan-on nga makabig nga alarming sa peace and order sang pugsod.
Lakip sa makapamatuod sa massive recruitment sang rebelde nga grupo amo ang nadakpan nga 11 ka NPA members sa Miagao sang Abril 18 kun sa diin isa lang ang regular member kag 10 gid ang mga pamatan-on.
Kadungan sini, nagahingyo ang natungdan sa mga ginikanan nga giyahan ang ila kabataan agud nga indi mahaylo sang rebelde nga grupo.
