Nagpanawagan ang Office of Civil Defense (OCD) sa publiko nga magpangaman sa super typhoon Uwan nga tubtub sa 1,000 ang kilometros ang kalaparon.
Magalaslas ang bagyo sa Northern kag Central Luzon apang bangud sa sobra nga kalaparon, ginapahanda man pati ang Metro Manila, Southern Luzon, kag mangin ang iban nga mga rehiyon.
Suno kay Civil Defense Administrator Usec Harold Cabreros, sunod sa ila mandato kag sa mandu ni President Ferdinand Marcos, Jr. kag ni NDRRMC chairperson kag Defense Secretary Gilberto Teodoro Jr., ginapasangkad man ang ila preparasyon sa bagyo kadungan sang response operations para sa mga biktima ni Bagyo Tino.
“Maliban sa ating pagharap sa epekto ng Bagyong Tino, tayo rin ay naghahanda sa paparating pa na isang malakas na bagyo,” suno kay Cabreros.
“Tatahakin nito ang Northern at Central Luzon, pero sa lawak nitong mahigit isanlibong kilometro, dapat ding maghanda ang Metro Manila, Southern Luzon, at iba pang mga rehiyon sa ating bansa,” dugang sini.
Matandaan nga kahapon, nagdeklarar si President Ferdinand Marcos Jr. sang state of national calamity kasunod sang daku nga halit nga ginbilin ni Tino, kag bilang pagpanghanda sa halit ni Super Typhoon Uwan.
Nahibaluan nga nagsaka na sa masobra 150 ang patay sa Pilipinas kasunod sang paglaslas sang bagyo sa Pilipinas, santo sa latest record sang NDRRMC.
