Ginbali sang Office of the Ombudsman ang alegasyon ni Senator Jinggoy Estrada nga may labot sa pulitika ang P573-million nga plunder case nga ginpasaka batok sa iya.
Kaangot ini sa statement nga ginbuy-an ni Estrada sa press conference kahapon, Hunyo 1, nga nagaalegar nga makapila ka beses siya nga gintanyagan nga ibasura ang mga kaso batok sa iya kun magbiya siya sa majority bloc sa Senado.
Suno naman kay Assistant Ombudsman Mico Clavano, indi dapat pag-impunon ang salabton ukon ang accountability sa isyu sang pulitika.
Gin-athag ni Clavano nga wala sang bisan sin-o man nga makadikta sa Ombudsman kaangot sa pending mga kaso. Pananglitan may tawo nga magpahilabot sa trabaho sang Ombudsman kaangot sa sini nga pending cases suno sa iya, makabig ini nga kurapsyon.
“Hindi dapat kailanman pinaghahalo ang pananagutan at pulitika,” suno kay Clavano. “Kung may mga taong nagtatangkang palabuin ang linya sa pagitan ng dalawang ito, dapat din silang panagutin.”
Dugang sini: “Walang sinumang pwedeng magdesisyon sa ngalan ng Ombudsman pagdating sa mga nakabinbing kaso, dahil ang paggawa nito ay maituturing ding isang uri ng korapsyon.
Ginpaathag ni Clavano nga madugay na nga gina-imbestigaran ang kaso ni Estrada kag nangin hayag man sila sa publiko kaangot sa proseso.
“Matagal nang iniimbestigahan ang mga kasong ito. Sa katunayan, isinasapubliko naman ang bawat hakbang ng proseso,” pahayag pa sang assistant Ombudsman.
Matandaan nga sang nagdagdag na ang Sandiganbayan sang arrest warrant kay Estrada kag sa iban pa nga akusado sang non-bailable case nga plunder, nag-atubang anay ang senador sa media kag nagpahayag nga naangot ang iya kaso sa iya pag-upod sa majority bloc.
“Ngayon ko lang ito isasapubliko ito: Maraming beses akong inalok na talikuran ang independent majority bloc kapalit ang pagbabasura sa aking kaso, ngunit hindi ko ito tinanggap. Mas nanaig ang paninindigan ako na manatili sa hanay ng mga kasamahan ko sa independent majority bloc,” pahayag sini sa press conference.
“I stand my ground because what is at stake here goes far beyond my personal circumstances. What is at stake is the independence of the Senate itself.”
“I will not yield to threats, I will not be intimidated, I will not be pressured into surrendering my independence of judgement,” dugang sini.
Wala sang ebidensya nga ginpakita si Estrada kun sin-o ang iya ginaakusaran nga nagtanyag sa iya nga magbiya sa mayorya.
Sa amo nga press conference gin-anunsyo sang senador nga magasungka siya sa Criminal Investigation and Detection Group (CIDG).
Gindagdag ang arrest warrant sa iya sa kaso nga plunder inadlaw matapos nga nakapyansa siya sa kaso nga graft sa second division sang Sandiganbayan.# Photo: Ian Laqui
