May one-month bonus para sa tanan nga mga empleyado sang Commission on Elections (Comelec) antes pa man ang May 9, 2022 elections.
Suno kay Comelec Chairperson Saidamen Pangarungan, ihatag ang gin-aprubahan nga Employee Development Assistance subong nga bulan sang Abril.
Gin-aprubahan man sang poll body ang dugang nga galastuhon para sa mga personnel. Lakip diri ang Augmentation of transportation kag communication expenses.
Ini nga expenses ang maga-cover sang anum ka bulan lakip na sa Barangay Elections sa December 2022.
Suno sa Comele chair, gin-aprubahan ini sang Commission En banc agud nga mabuligan man ang election officers nga apektado man bangud sa oil price hike.
Suspended man ang biometrics ukon automated attendance system agud nga makapadayon ang mga empleyado sa ila trabaho sa field bisan indi na magbalik sa opisina agud nga mag-punch para sa attendance.
Gin-aprubahan man ‘in principle’ ang hingyo agud nga i-exempt sa gun ban ang election officers, provincial election supervisors kag regional election directors. ##
