Magapadulong na sa Osaka, Japan ang P-pop group nga BINI para sa ila performance sa Summer Sonic Music Festival 2026.
Gina-ako ni BINI Mikha nga ginakulbaan ini bangod suno sa grupo, isa sa pinakamabudlay sudlon nga market ang Japan.
Samtang, suno kay Jhoanna, kinahanglan nila sang maayo nga stamina bangud sunod-sunod ang ila performances, lakip na ang mga bag-o nga arrangement kag choreography nga ila ginpreparar para sa festival.
Magadala man ang BINI sang mga bag-o nga kanta kag fresh arrangements sa ila set.
Sa tunga sang ila busy nga world tour, suno kay Stacey, dako ang nahatag nga bulig sang padayon nila nga performances kag training agud mapabakod ang ila stamina.
Excited man ang grupo sa ila rest day sa Tokyo, kun sa diin plano nila nga magkadto sa mga tourist attractions kag ma-experience ang nagkalain-lain nga Japanese activities.
Magapasundayag ang BINI sa Mountain Stage sang Summer Sonic Osaka sa Japan sa Agosto 14.
