Nagpanguna ang P-pop group nga SB19 sa mga nominado para sa 39th Awit Awards.
Ini matapos makakuha sang 12 ka nominasyon sa nagkalain-lain nga kategorya ang grupo.
Lakip sa mga nominasyon sang grupo ang Album of the Year para sa ila album nga Simula at Wakas.
Nominado man ang ila mga kanta nga Dam kag Dungka sa mga kategorya kaangay sang Record of the Year, Song of the Year, kag Best Performance by a Group.
Ginasundan ang SB19 sang IV of Spades, nga may 11 ka nominasyon, samtang nakakuha naman sang 10 ka nominasyon ang singer-songwriter nga si Dionela.
Ang 39th Awit Awards pagahiwaton sa Setyembre 15, 2026, sa SM Mall of Asia Arena.
Sa labing una nga tion sa kasaysayan sang Awit Awards, mangin bukas ini sa publiko bilang isa ka ticketed event.
Ini agud makatambong personal kag maka-duet ang mga fans sa isa sa pinakadako nga selebrasyon sang Original Pilipino Music ukon OPM.
