Opisyal na nga Tourism Ambassador for the Philippines ang P-POP Group nga SB19.
Ini ang gin-anunsyo sang Department of Tourism (DOT) matapos ang maayo nga pagrepresentar kag pagdala sang grupo sa pangalan sang pungsod sa nanari-sari nga bahin sang kalibutan.
Antes ang ila nga mangin performance sa Lollapalooza Chicago kag Summer Sonic sa Japan, may ara anay ini sang pagatapuson nga proyekto sa Department of Tourism.
Ini agud engganyuhon ang ila fans sa bilog nga kalibutan nga bisitahon ang Pilipinas kag diskupbrehon ang manami nga kultura sini.
Nahibaluan nga nag-umpisa ang karera sang SB19 sang 2016 kag nag-training ang mga ini sang masobra duha ka tuig antes sila nag-debut sang October 26, 2018.
Ang ila dako nga break natabo sang tuig 2019 kun sa diin nagsikat ang ila kanta nga Go Up kag MAPA.
