MAKATI – Pasado na sa final reading sang Senado ang P4.5-trillion 2021 national budget.
Tanan nga 22 ka mga senador nga present sa plenaryo ang nagpabor sa pagpasar sang 2021 General Appropriations Bill.
Ang pagpasar sang budget ang mas temprano sang isa ka bulan sa year-end deadline antes ang pag-expire sang current spending law.
Suno kay Senate Committee on Finance chair Sonny Angara, kuntani ang ginpasar nga budget ang makabulig sa mga pumuluyo kag sa ekonomiya sa pihak sang COVID-19 pandemic.
Lakip sa mga amendments sa Senado nga nalakip sa 2021 spending bill amo ang dugang nga P10-billion para sa pagbakal sang COVID-19 vaccines kag pag-hire sang mga contact tracers.
Ginalauman naman nga maumpisa sa masunod nga semana ang hearing sang bicameral conference agud maobra ang nagakalain-lain nga probisyon sang Senado kag House of Representatives.
