ILOILO CITY – Nagpamalibad na nga maghatag sang pahayag ang durugista nga nakuhaan sang P6,800 nga balor sang illegal drugs paagi sa buy bust operation sa Brgy. Buhang, Jaro, Iloilo City.
Ang durugista ang ginkilala kay Roland Samarillo, 42 anyos sang Brgy. Lumbo, Pototan, Iloilo.
Sa interview sang Bombo Radyo sa team leader sang Regional Drug Enforcement Unit nga nagpahinago lang sang pangalan, iya ginpahayag nga napreso na sadto si Samarillo apang nakaguwa paagi sa plea bargaining agreement.
Suno sa RDEU team leader, ang supplier ni Samarillo ang naga-istar sa Brgy. Buhang sa distrito sang Jaro.
Nakuha kay Samarillo ang isa ka sachet sang suspected shabu ang ang buy bust money.
