Ginahulat subong ang desisyon sang Commission on Elections (COMELEC) kun sin-o sa duha ka nagaaway nga faction sang Partido Demokratiko Pilipino–Lakas ng Bayan (PDP-Laban) ang opisyal nga kilalahon para sa 2022 nga eleksyon.
Ini matapos nag-appoint man sang separado nga standard bearer ang faction ni Senator Manny Pacquiao apisar una naman nga naka-appoint sang lain nga standard bearer ang faction ni Energy Secretary Alfonso Cusi.
Kun matandaan, si Senator Christopher Lawrence ‘Bong’ Go ang gin-endorse sang Cusi Faction bilang kandidato sa pagka-presidente samtang si Presidente Rodrigo Duterte naman ang gin-endorso bilang iya running-mate sa national elections.
Apang kahapon, sa national assembly sang Pacquiao faction sa PDP-Laban, pormal man nga ginbaton ni Pacquiao ang nominasyon sang partido nga siya ang magapadalagan sa pagka-presidente sa 2022.
Ginhatagan man si Pacquiao sang otoridad nga magpili sang iya nga running-mate kag sang iya kaalyado para sa Senado.
“Sa mga nagtatanong kung ano ang ating kakayahan? Naranasan niyo na po bang magutom… walang makain… mangutang sa kapitbahay o mag abang ng tira sa karinderya? Alam niyo po ba ang pakiramdam ng isang Pilipino na nakikipaglaban sa boxing? Nagpapabugbog sa kalaban na mas malaki at malakas para makabili ng pagkain? Ang Manny Pacquiao na nasa harap ninyo ngayon ay pinanday ng hirap… Ang Manny Pacquiao na pilit nilang pinababagsak ay ilang beses nang bumangon, nagsikap at nagtagumpay… Alam ko ang hirap na naranasan ninyo at alam kong pagod na pagod na kayong lahat,” kabahin sang acceptance speech ni Pacquiao.
