Nagpungko si former eight-division world champion Manny Pacquiao bilang vice-president sang International Boxing Association (IBA).
Maga-trabaho ang 46-anyos nga Pinoy boxing legend kaupod sa president nga si Umar Kremlev sang Russia para nga makabalay sang mga programa nga magapasangkad sang mga oportunidad para sa mga atleta.
Suno kay Pacquiao, nagapasalamat siya nga mangin parte sang sini nga asosasyon kun sa diin makabulig siya sa bataon nga mga boksidor, makahimo sang mga kampyon, kag masigurado nga wala sang pungsod nga mabilin sa tabtaban.
Ini nga organisasyon ang kilala anay bilang Amateur International Boxing Association kag amo ang sa likod sang boxing events sa Olympics.
Pila ka beses ini nga ginpaandaman kaangot sa isyu sa pinansyal tubtub nga dalayon nga gin-utod sang International Olympic Committee ang koneksyon sa amo nga organisasyon antes ang Olympics sa Japan sang 2021.
Sa 2028 sa Los Angeles Olympics, ang maga-uyat sang boxing competitions amo ang bag-o nga organisasyon nga World Boxing.
.){kind=link}