Nag-file si Senator Robin Padilla sang hagna nga nagaduso nga ipatuman ang death penalty sa mga personnel sang Bureau of Customs kag iban pa nga uniformed ukon law enforcement agencies nga mapamatud-an nga nagapang-smuggle sang agricultural products sa Pilipinas.
Ini nga proposal ang kaundan sang Senate Bill No. 2214 nga amo ang maga-amyendar sang Anti-Agricultural Smuggling Act of 2016.
Ginpaathag ni Padilla nga sa idalom sini nga hagna, sentensyahan sang kamatayon ang magalapas sa anti-smuggling law nga halin sa Bureau of Customs, Armed Forces of the Philippines, Philippine National Police, kag iban pa nga uniformed ukon ahensya sang gobyerno nga ang mandato amo kuntani ang magpatuman sang layi.
Ginpahayag pa sini nga ang rason kun ngaa nga ginduso ang ini nga hagna amo bangud may yara na sang mafia nga nakasulod sa Bureau of Customs.
Samtang, sa amo man nga senate hearing,
Gintawag ni Senator Cynthia Villar, chair sang Senate Committee on Agriculture, Food and Agrarian Reform, nga “palpak” ang pagpatuman sang Anti-Agricultural Smuggling Act of 2016 bangud wala sang na-convict bangud sa smuggling halin sang ginpatuman ang amo nga layi.
Diri man nga Senate Hearing gin-presentar sang Customs nga nagdangat na sa P2.7 billion ang balor sang agricultural products ang ila nga nakumpiskar subong nga tuig. #
