Wala sang may natabo nga pag-eskapo ni Senator Bato Dela Rosa sang nagligad nga bulan sang Mayo.
Ini ang panindugan ni Senator Robin Padilla matapos sya nga gin-isyuhan sang subpoena sang Department of Justice sa ginaalegar pagbulig sini kay Bato nga makagwa sa Senate premises, apisar nga gindagdagan ini sang arrest warrant sang International Criminal Court sa kaso nga crimes against humanity.
Apang kun madumduman, nagpasaka man sang reklamo ang PNP-Criminal Investigation and Detection Group (CIDG) kay Padilla kag sa iban pa matapos ang nasambitg nga pagpalagyo ni Dela Rosa.
Suno kay Padilla, updanay lang sila nga naguwa sa Senado ni Bato kag nag-upod lang ini sa iya salakyan kun sa diin wala man sila ginpunggan sang mga kapulisan.
Ginklaro man niya nga wala sya nasubuan sa nangin lihok sang DOJ sa iya bangud daw kaangay nga nabuhi ang iya pagiging katipunero.
Nahibaluan nga preparado man si Padilla sa pagtubang sa nasambit nga ahensya agud magpasa sang iya counter-affidavit sa Setyembre 25 kag sa Oktubre 9.
