Ginsaad sang isa ka senador nga posible gid nga mabawi ang pagpasar sang Senado sa proposed P24-billion budget sang Department of Foreign Affairs (DFA) kasunod sang nadiskubrehan nga pag-isyu sang ahensya sang Philippine passports sa foreign nationals nga nagapakuno-kuno lamang nga Filipinos.
Suno kay Senator Ronald “Bato” dela Rosa, ini nga isyu ang posible nga makaapekto sa “national security” sa pungsod.
Photo: PNA
Antes sini, gin-recall sang Senado ang plenary approval sa proposed 2024 budget sang Philippine Statistics Authority (PSA) bangud sa gin-alegar nga pag-isyu sini sang authentic birth certificates sa foreign nationals rason nga nakakuha sila sang Philippine passports.
Kun balikan naman, Septyembre pa sang gin-aprubahan sang Senate Committee on Finance ang proposed 2024 budget sang DFA kag napasa na sa plenaryo.
Ginpahayag nga nakumpirma na sang DFA nga may napaguwa gid man nga passports sa foreign nationals apang gina-imbestigaran pa kun paano ini natabo.
10 sa sini nga foreigners ang yara na sa kustodiya sang Bureau of Immigration (BI) kag napasakaan na sang deportation cases — apang suno naman kay Justice Secretary Jesus Crispin Remulla, indi anay pag-i-deport ini nga foreigners bangud may yara pa sila sang atubangon nga falsification charges.
