ILOILO CITY- Madinalag-on ang ginpatigayon nga groundbreaking activity para sa tukuron nga Iloilo River North Bank Road(Iloilo Sunset Boulevard).
Ang seremonya ang ginpatigayon sa Brgy. Sooc, Arevalo, Iloilo City kag ginpangunahan ni Senator Franklin Drilon, Department of Public Works and Highways (DPWH) Region 6 Director Engr. Tiburcio Canlas, Iloilo Governor Arthur Defensor Jr. kag Iloilo City Mayor Jerry Treñas.
Suno kay DPWH Region 6 Director Canlas, katuyuan sang proyekto nga makabulig sa pag-decongest sang mabug-at nga trapiko gikan sa syudad padulong sa southern municipalities kag vice versa.
Ang proyekto nga ginpainan sang P1.99 billion pesos kag natunga sa duha ka phases, ang nagalakip sang pagtukod sa 4.951 kilometros nga dalan gikan sa Tabucan,Mandurriao, Iloilo City padulong sa Cagbang, Oton, Iloilo.
