ILOILO CITY- Ginatugyan na sang Iloilo city Government sa City District Engineering Office ang pag-repaint sang nagakapanas na nga mga zebra crossing prints sa mga pedestrian lanes sa syudad.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga nagsulat na sila sa City District Engineering Office -Maintenance Section nga amo ang in- charge sa mga pedestrian lanes.
Suno kay Conlu, indi man basta-basta ang pagrestore sang sini nga mga lanes bangud may espesyal nga pinta kag machine para nga mag-emboss ukon maglabaw sa dalan ang mga zebra prints.
Dugang ni Conlu,napanas ang iban nga pedestrian lanes bangud man sa mga on-going nga road rehabilitation sa syudad.
