Ginahulat pa ang final assessment sang Philippine Atmospheric, Geophysical and Astronomical Services Administration ukon PAGASA kun bala buhawi ukon downburst ang nagtuga sang halit sa pila ka lugar sa syudad sang Iloilo sang Sabado sang gab-i, Agosto 8.
Sa interview sang Bombo Radyo kay Darwin Papa, Disaster Response Division Chief sang Office of the City Disaster Risk Reduction Management Office ukon CDRRMO, iya ginapahayag nga may posibilidad nga downburst ang weather phenomenon nga nag-igo sa siyudad kag indi buhawi.
Suno kay Papa, dako ang posibilidad nga downburst ini bangud sa pattern sang halit nga wala lamang nag-concentrate sa isa lamang ka lugar.
Naglapta man ini halin sa distrito sang Mandurriao pakadto sa distrito sang Jaro kag distrito sang La Paz.
Ginklaro ni Papa nga ang downburst nagahulag sang spiral ukon circular kag indi stationary, gani ang halit mahimo nga maglapta sa nagkalain-lain nga direksyon.
Samtang, ang buhawi naman isa ka makusog nga hangin nga kasarangan kag tadlong ukon linear ang hulag, gani ang halit mas nagasentro sa isa lamang ka direksyon.
Dugang ni Papa, indi man compatible ang nakita nga hazard effect sa downburst, gani kinahanglan pa sang mas detalyado nga assessment sang local meteorological agency ukon PAGASA.
Ginklaro man niya nga masami nagakatabo ang downburst kon ipaanggid sa buhawi, gani indi tanan nga mabaskog nga hangin kag kalit nga halit mahimo gilayon matawag nga buhawi.
By: Bombo Cyrene Nasis
