ILOILO CITY- Nagpahanumdom ang Task Force on Morals and Values Formation nga hugot nga ginadumilian ang mga menor de edad nga magsulod sa mga lodging houses, motels, inns, resorts kag iban pa nga accomodation establishments sa syudad subong nga Valentine’s Day.
Sa interview sang Bombo Radyo kay Nestor Canong, pinuno sang amo nga talatapan, iya ginpahayag nga sa idalom sang regulation ordinance no. 2015-447 mahimo nga mamultahan ang establishmento nga madakpan nga may yara sang mga menor edad nga ginapasulod.
Suno kay Canong, magapangatubang sang multa nga P5,000 kag mahimo man nga pagapasakaan sang kaso ang madakpan nga naglapas sa amo nga ordinansa.
Dugang pa ni Canong, pagakanselahon man ang business permits sang establishmento nga napamatud-an nga naglapas sa amo nga pagsulundan.
