ILOILO – Ginalauman na ni Gov. Arthur Defensor Jr. nga malakip ang probinsya sang Iloilo sa listahan sang mga lugar nga may yara sang Enhanced Community Quarantine extension tubtub sa Mayo 15.
Nahibalu-an nga santo sa pahayag ni Presidential Spokesperson Atty. Harry Roque, lakip sa mga lugar nga may quarantine extension amo ang National Capital Region, Central Luzon (magluwas sa Aurora), CALABARZON, Pangasinan, Benguet, Baguio City, Iloilo Province, Cebu Province, Cebu City kag Davao City.
Sa interview sang Bombo Radyo kay Defensor, iya ginpahayag nga mas makapaayo nga ginpalawig ang Enhanced Community Quarantine sa bug-os nga probinsya.
Suno kay Defensor, antes pa man ang pagpaguwa sang resolusyon sang National Inter-Agency Task Force, may yara na siya sang draft resolution tuhoy sa pagpalawig sang quarantine extension apang wala pa niya ini napirmahan bangud padayon pa ang review.
Ginpahayag ni Defensor nga ginahulat pa gid niya ang iban pa nga mandu sang National Inter-Agency Task Force tuhoy sa pagpalawig sang quarantine.
