Ginatun-an sang Department of Trade and Industry (DTI) ang pagpatuman sang mas manubo nga price ceiling para sa imported nga karne sang baboy nga ibaligya sa mga supermarket sa Metro Manila.
Ini ang sa tunga sang padayon nga pagwangal sang mga kustomer bangud sang tuman ka taas nga presyo sang karne sang baboy sa mga merkado bangud sang limitado nga suplay.
Suno kay DTI Secretary Ramon Lopez, masami nga mas barato ang presyo sang imported meat products sa dalagku nga groceries kag supermarkets ipanggid sa farmgate price sang domestic pork.
Ini bangud may yara sang ginasunod nga SRP ukon suggested retail price.
Magluwas diri, kun imported ang karne, i-label man ini suno kay Lopez kag presyuhan nga mas manubo pa sa SRP.
Una diri, nagpasalig ang agriculture department nga nagapaninguha sila agud ma-augment sa Metro Manila ang suplay sang karne sang baboy halin sa mga lugar sa Visayas kag Mindanao nga indi apektado sang African swine fever.
