ILOILO CITY – Ginatun-an ang Iloilo City Government ang pagpatigayon sang mass testing agud mahibalu-an ang kabug-usan nga numero sang Persons Under Monitoring kag Persons Under Investigation.
Sa interview sang Bombo Radyo kay Iloilo City Mayor Jerry Treñas, iya ginpahayag nga indi mahibalu-an kun sanday sin-o ang positibo sa Coronavirus Disease 2019 (COVID-19) magluwas lang kun magpaidalom sa COVID-19 test.
Suno kay Treñas, mas ginpasangkad ang contact tracing ilabi na nga nagsaka sa 4 ang kumpirmado nga kaso sa syudad sang Iloilo.
Ginpahayag ni Treñas nga posible sa Abril 14, may yara sang mass testing nga patigayunon apang ini ang nakadepende sa available nga test kits.
