Nagpaathag ang embahada sang China sa Pilipinas nga na-misinterpret lamang ang pahayag ni Chinese ambassador to the Philippines Huang Xilian kaangot sa 150,000 ka mga overseas Filipino workers sa Taiwan.
Sa statement pa sang embahada, ginpahayag nga wala lang nahangpan sang maayo ang ginpaguwa nga statement ni Huang.
Matandaan nga sa 8th Manila Forum sang Byernes, nagpahayag si Huang nga gina-gamit sang United States ang ila nga military sites sa Pilipinas agud nga magpahilabot sa isyu sa Taiwan.
Ini nga sites sa Pilipinas ang ginpasangkad pa paagi sa Enhanced Defense Cooperation Agreement (EDCA).
Kasunod sini, nagpahayag si Huang nga kun nagaulikid gid ang Pilipinas sa kabuhi sang 150,000 ka OFWs sa Taiwan, dapat sini nga pamatukan kag balabagan ang kahilwayan sang Taiwan sa baylo nga gatungan pa ang tensyon sa Taiwan Strait paagi sa pagtanyag sang access sa militar sang Amerika.
Bangud sini, nag-provide ang embahada sang China sang link sa transcript sang statement ni Huang — isa sa Chinese kag isa sa English.
Sa English transcript nga naka-post sa website sang embahada, yari suno sa ila ang pahayag ni Huang kaangot sa mga OFWs sa Taiwan:
“”Some tried to find excuse for the new EDCA sites by citing the safety of the 150,000 OFWs in Taiwan, while China is the last country that wishes to see conflict over the Strait because people on both sides are Chinese. But we will not renounce the use of force, and we reserve the option of taking all necessary measures. This is to guard against external interference and all separatist activities. The Philippines is advised to unequivocally oppose “Taiwan independence” rather than stoking the fire by offering the US access to the military bases near the Taiwan Strait if you care genuinely about the 150,000 OFWs.
Una na nga nagpahayag si Senator Risa Hontiveros sa Malacañang nga hambalon ang Beijing nga i-recall ang amo nga envoy bangud sa iya pamahog.
Una naman nga nagsabat ang Department of National Defense (DND) nga wala ini sang ginagatungan nga kalayo paagi sa EDCA; samtang gin-athag naman ni National Security Council spokesperson Assistant Director General Jonathan Malaya nga wala sang intensyon ang Pilipinas nga magpahilabot sa isyu sa Taiwan.
