Ginkumpirmar sang bana ni anay DPWH Undersecretary Cathy Cabral nga si Engr. Cesar Cabral nga indi na sila magpatigayon sang autopsy sa iya bangkay nga nasapwan patay sa Kennon Road, Tuba, Benguet.
Nagapati ini kag ang iya pamilya nga aksidente ang rason sang kamatayon sini.
Naghatag naman sang pahayag ang abogado ni Cabral nga dapat tagaan sang respeto ang pamilya kag indi na pagdugangan ang kasubo nga nabatyagan sang mga ini.
Nahibaluan nga si Cabrak ang anay Undersecretary para sa Planning kag Public-Private Partnership sang DPWH kag na-implicate sa alegasyon nga budget insertions kag kickbacks sa mga flood control projects.
Antes paman gintalikdan sini ang iya trabaho sa DPWH ginpanginwala sini ang pagkadalahig sa iya pangalan sa mga anomaliya nga nagakatabo sa ahensya.
