Ginbawian gid sang kabuhi ang isa ka pasahero matapos ginhold-up kag ginbuno sang driver sang e-trike nga iya ginsakyan.
Natabo ang krimen sa Caloocan City.
Ang biktima amo si alyas “Angelica”, 33-anyos samtang ang suspek amo si alyas “Rodman”, 26-anyos.
Base sa imbestigasyon, nagdeklarar sang holdup ang driver apang nagbato ang biktima gani ginbuno ini sang suspek.
Nakadalagan pa ang biktima agud magpangayo sang bulig apang natumba ini bangud sa naangkon nga pilas sa liog.
Nadakpan naman ang suspek matapos nga gintudlo ini sang isa ka testigo sa natabo.
Kaso nga Robbery Hold up kag Murder ang ginpasaka batok sa driver.
