ILOILO CITY – Na-recover sang mga rescuers ang 25 ka lawas matapos ang nagluntad nga landslide sa isa ka iligal nga minahan sang jade sa remote region sang Myanmar.
Magluwas sa mga nagkalamatay, padayon pa nga ginapangita ang 14 ka iban pa.
Ang Myanmar ang gin-igo sang mabuskag nga pag-ulan kag pagbaha sang nagligad nga mga inadlaw kag nagluntad ang lanslide sang Domingo sa northern Kachin.
Kinahanglan pa nga kutkuton sang mga rescuers ang lunang agud nga makuha ang mga lawas samtang ang iban ang nagalutaw sa tubig.
Ang operasyon sang minahan ang gin-suspend bangud sang malain nga tyempo, apang ang mga nabiktima sang landslide ang ginapatihan nga mga residente sa lugar nga nagalaum nga may makita nga mapuslan nagikan sa lunang.
