Isa ka daog na lang ang kinahanglan sang San Miguel Beermen antes ini makoronahan nga kampyon sa Philippine Basketball Association (PBA) Commissioner’s Cup!
Ini matapos nagbangon na ang team gikan sa duha ka magkasunod nga kalutusan sa kamot sang Magnolia sa nagapadayon nga final series.
Sa Game 5, daw kaangay nga nagbugtaw ang nagakatulog nga enerhiya sang Beermen kag ginlutos ang Hotshots, 108-98, sa pagpanguna ni Jericho Cruz nga may 30 puntos.
Daku ini nga bagay para kay Cruz bangud wala ini nakahampang sa Game 3 bangud sa suspensyon nga iya nabaton kasunod sang lima ka technical fouls.
Nakabangon man liwat si Bennie Boatwright nga may 21 samtang may 18 puntos naman si June Mar Fajardo.
Myerkules sunod maga-atubangay ang duha ka teams kun sa diin tinguhaan sang Beermen nga makuha ang trono kag mabaton ang ila record-extending 29th title sa PBA.#
