Ginpirmahan na ni Presidente Ferdinand Marcos Jr. ang Republic Act Number 12326 nga naga-postpone sang Barangay kag Sangguniang Kabataan Elections ukon BSKE nga dapat kuntani patigayunon sa Nobyembre 2, 2026.
Sa idalom sang bag-o nga layi, mangin lima na ka tuig ang termino sang mga opisyal sang barangay kag Sangguniang Kabataan.
Patigayunon naman ang masunod nga BSKE sa Nobyembre 2028.
Buot silingon, ang mga opisyal nga napilian sang tuig 2023 may dugang na nga duha ka tuig sa ila termino.
Apang ang mga incumbent officials nga yara na sa ila katapusan nga termino indi na makapadalagan liwat sa ano man nga posisyon sa 2028 elections.
Suno kay Marcos, dapat gamiton sang mga opisyal ang dugang nga tion para mapauswag ang ila serbisyo publiko.
Dapat man suno kay Marcos nga tutukan ang mga kinahanglanon sang komunidad agud mangin maayo ang sitwasyon sini.
