ILOILO CITY- Ginalauman na nga madula ang Presidential Commission on Good Government (PCGG) sa tion nga si Ferdinand “Bongbong” Marcos Jr. ang magdaog nga presidente sa Mayo.
Suno kay former PCGG chairman Andres Bautista, gintukod sang Cory Aquino administration ang commission agud maglagas sa ill-gotten wealth sang pamilya Marcos.
Pahayag niya, kun si Marcos na ang presidente, imposible na nga mahimo sang Presidential Commission on Good Government nga sukton pa si Marcos.
Sa subong, nakarekober na ang PCGG sang masobra P170 billion sang ginabanta $10 billion nga ill-gotten wealth sang pamilya Marcos humalin sang gintukod ang komisyon sang 1986, santo man sa pahayag ni ex-PCGG commissioner Ruben Carranza.
Sang Enero, una na nga ginpahayag ni former Supreme Court Associate Justice kag 1Sambayan convener Antonio Carpio nga ginalauman na niya nga i-abolish ni Marcos Jr. ang PCGG kun siya na ang presidente.
Nagpamalibad naman ang kampo ni Marcos nga magkomento tuhoy sa pahayag ni Carpio.
Apang sang sini lang nga Marso, ginpahayag ni Marcos nga pabaskugon niya ang PCGG kun siya ang magdaug kag himuon niya ini nga “real anti-corruption agency.”
