ILOILO – Padayon ang Peace and Development Forum sang Philippine Army kaupod ang iban pa nga law enforcement agency agud nga matapna ang insurhensya sa pungsod.
Sa Good Morning Philippines program, ginpahayag ni 2nd. Lt. Rhea Mae Bolivar sang Philippine Air Force- Western Visayas, nga sa mga nakaligad nga semana, may yara sang ginpatigayon nga Peace and Development Forum sa mga eskwelahan sa probinsya sang Iloilo.
Suno kay Bolivar, ang mga lugar nga ginapili nga mangin venue amo ang mga may yara sang presensya sang rebelde nga grupo.
Ginpahayag ni Bolivar nga buwas nga adlaw, may yara sang patigayunon nga forum sa Lanag Norte kag Tubungan National High School sa Tubungan, Iloilo.
Ang mga High Scool student suno sa natungdan ang ginapang recruit sang rebelde nga grupo bangud nga madali nga mahaylo ang mga pamatan-on.
Gin-athag man ni Bolivar nga ang Philippine Army amo ang lead agency kun insurhensya ang pagahambalan samtang ang iban naman nga law enforcement agency ang nagaserbe nga suporta.
Kadungan sang Peace and Development Forum nga patigayunon buwas nga adlaw, may yara sang mga dinapit nga bisita sa diin isa sa mangin topiko amo ang tuhoy sa recruitment sang Philippine Air Force kag may yara man sang Canine Capability Demonstration.
