Gin-atake sang peste nga rice black bug ang pito ka mga banwa sa probinsya sang Iloilo.
Sa exclusive interview sang Bombo Radyo kay Elias Sandig Jr., assistant department head sang Iloilo Provincial Agriculture Office (PAO), iya ginpahayag nga ang mga banwa nga apektado sang peste amo ang Sara, San Dionisio, Concepcion, Ajuy, Banate, Lemery kag Passi City.
Apang suno sa iya, gamay lang ang tsansa nga magtuga ini sang dako nga kahalitan sa humayan.
Suno kay Sandig, ini bangud nag-atake ang nasambit nga mga peste subong nga gamay na lang ang mga standing crops sa probinsya.
Nagpahandumon naman si Sandig sa mga mangunguma ng ipadayon lang ang ginahimo nga pamaagi kaangay sang light-trapping sa pagtapna sang nasambit nga peste nga nagahalit sa mga humay.
