Ginbasura sang Korte Suprema ang mga petisyon nga nagatuyo i-nullify ang hearing sang House of Representatives Committee on Justice sa ‘impeachment complaints’ batok kay Vice President Sara Duterte.
Ini nga petisyon ang gin-file mismo ni Duterte kag grupo sang mga abogado nga ginpangunahan ni Atty. Israelito Torreon.
Suno sa Korte, ang mga isyu nga ini ang nangin “moot” ukon indi na mahatagan sang igtalupangod bangud naaprubahan na kag yara na sa senado ang Articles of Impeachment.
Pahayag sang Korte Suprema, ang transmittal sang Articles of Impeachment ang nagapatimaan nga natapos na ang impeachment proceedings sa bahin sang House of Representatives.
By: Bombo Joedel Nollaga
