Petition nga gin-file sang kampo ni Robredo nga i-exempt ang pila ka proyekto sang ‘Angat Buhay’ program sa public works kag fund disbursements ban, gin-grant sang Comelec

Ginpasugtan sang Commission on Elections (Comelec) ang Office of the Vice President (OVP) nga padayunon ang pila ka mga proyekto sa idalom sang “Angat Buhay” program apisar nga nagapadayon man ang presidential campaign ni Vice President Leni Robredo.

Suno kay Comelec Commissioner George Garcia, exempted ang amo nga nga mga proyekto sa public works kag fund disbursements ban nga ginapatuman sang poll body.

“In an executive session today, the En Banc granted the Petition for Exception of the Office of the Vice President of certain projects and programs during the 45-day period of the campaign,” suno sa komisyoner.

Matandaan nga sang Enero, nag-file sang petition ang kampo ni Robredo agud i-exempt sa nasambit nga ban ang ila nga COVID-19 response programs kaangay sang Bayanihan E-Konsulta and Swab Cab.