Gin-revise sang Philippine Institute of Volcanology and Seismology (PHIVOLCS) ang impormasyon nga ginpaguwa sini kaangot sa linog nga nabatyagan sa Iloilo kag sa kaiping nga mga probinsya kagab-i, Marso 2.
Sa Earthquake Information 2 sang ahensya, ginklaro nga ang sentro sang linog amo ang Guimbal, Iloilo — baliskad sa nauna sini nga gin-report nga Tigbauan.
Ginpanubo man sang ahensya ang magnitude sa 4.8 halin sa nauna sini nga data nga magnitude 5.0 ang kabaskugon sang pagtay-og.
6:13 sang nagluntad ang linog kag tectonic in origin.
Yari naman ang updated nga gin-report nga intensities:
Intensity IV – CITY OF ILOILO
Intensity III – San Remegio, ANTIQUE
Intensity II – San Jose de Buenavista, ANTIQUE; Libacao and Madalag, AKLAN
Intensity I – City of Roxas, CAPIZ
Instrumental Intensities:
IIntensity IV – Jordan, GUIMARAS; CITY OF ILOILO
Intensity III – Valderrama and Culasi, ANTIQUE; Nueva Valencia, GUIMARAS; City of Passi, ILOILO
Intensity II – Malinao, AKLAN; Tapaz, CAPIZ; San Lorenzo, GUIMARAS; City of La Carlota, City of Sipalay, and City of Bacolod, NEGROS OCCIDENTAL; San Jose de Buenavista, ANTIQUE
Intensity I – Ibajay and Malay, AKLAN; Anini’y, ANTIQUE; Jamindan, CAPIZ
Ginklaro man sang ahensya nga wala na sang ginaantisipar pa nga aftershocks kag damages kasunod sang amo nga pagtay-og.#
