Nagaguwa subong ang nagkalain-lain nga isyu kag alegasyon batok sa pila ka mga senador nga myembro sang mayorya may kaangtanan sa kaso nga plunder, graft, kag iban pa nga ginaiimbestigaran sang mga otoridad.
Si Senator Jinggoy Estrada gina-angot sa kaso nga plunder kag graft may kaangtanan sa flood control projects kag iban pa nga alegasyon sang korapsyon.
Si Senator Rodante Marcoleta naman may precautionary hold departure order ukon PHDO bangud sa reklamo nga plunder kun sa diin wala sini niya madeklarar ang P75 milyon nga campaign donations sa iya SOCE ukon Statement of Contributions and Expenditures sang nagligad nga 2025 elections.
Samtang, si Senator Francis ‘Chiz’ Escudero ginareklamo naman sang plunder, graft, kag indirect bribery bangud sa gina-alegar nga P586 milyon nga kickback halin sa flood control projects.
Si Senator Joel Villanueva naman ginpahayag sang Ombudsman nga handa na para kasuhan sang plunder may kaangtanan sa ginaiimbestigaran nga mga proyekto sang gobyerno.
Sa pihak nga bahin si Senator Mark Villar kag ang utod sini nga si Senator Camille Villar ang sa karon ang gina-imbestigaran sang Department of Justice kaangot sa reklamo sang Securities and Excahnege Commission batok sa Villar Land Holdings Corporation bangud sa market manipulation, insider trading kag sala nga disclosure.
Samtang, si Senator Bato Dela Rosa naman kag Senator Bong Go ang nadala sa ginpangalanan sang International Criminal Court may kaangtanan sa war on drugs sang anay administrasyon ni Duterte bilang mga co-perpetrators sini.
