ILOILO CITY – Mahimo nga magpasakop ang Pilipinas sa biennial joint military exercises sang Estados Unidos kag Australia sa 2025.
Ini ang pahayag ni Armed Forces of the Philippines Deputy Chief-of-Staff Lieutenant General Charlton Sean Gaerlan sa ginpatigayon nga meeting upod kay Australian Defense Forces Chief of Joint Operations Lieutenant General Greg Bilton sa Camp Aguinaldo sa Quezon City.
Una nga gin-imbitar ni Bilton ang Pilipinas nga magpasakop sa Exercise Talisman Sabre sang Agosto 2022.
Sang 2023, nagpasakop sa amo nga exercise ang Fiji, France, Indonesia, Japan, ang Republic of Korea, New Zealand, Papua New Guinea, Tonga, ang United Kingdom, Canada, kag Germany samtang observers lamang ang Pilipinas, Singapore kag Thailand.
Gin-istoryahan man sang military officials ang nagapadayon nga Exercise Alon 2023 nga nagsugod sang Agosto 14.
