Nag-order na ang Pilipinas sang 50 million doses sang Moderna vaccine booster nga gamiton para sa masunod nga tuig.
Suno kay Philippine Ambassador to the United States Jose Manuel Romualdez, mismo ang Moderna ang nagkumpirma nga may naka-reserve na nga booster doses para sa Pilipinas kag kabahin ini sang ginadevelop subong.
Una na nga ginpahayag ni Romualdez nga ang booster shots sang Moderna ang posible nga ma-combine sa iban nga brand nga una na nga natublok sa mga Pinoy.
Sa subong ginatun-an pa sang mga eksperto kun ano kadugay ang i-tinir sang immunity nga gina-provide sang vaccine sa lawas sang tawo bilang proteksyon batok sa COVID-19.
May mga medical experts nga nagapahayag nga ang fully-vaccinated nga mga indibidwal ang nagakinahanglan pa sang booster shot agud nga makapabilin nga protektado batok sa amo nga virus.
Santo naman sa nangin pahayag sang Department of Health, ginahulat pa ang dugang nga ebidensya nga makapamatuod nga kinahanglanon matuod ang booster shot pagkatapos sang duha ka doses sang bakuna.
