Opisyal na nga gin-report sang Pilipinas sa World Organization for Animal Health (WOAH) ang na-rekord sini nga outbreak sang highly pathogenic H5N2 bird flu sa mga pato.
Nagsugod ini sang Nobyembre 11, 2024 kag nakumpirma sa laboratory tests sang Disyembre 6. Sunod nga gin-anunsyo sang Bureau of Animal Industry (BAI) ang outbreak sa publiko sang Disyembre 11 sang amo man nga tuig.
Ang uma sa Barangay San Nicolas, Talisay, Camarines Norte amo ang lugar kun sa diin na-rekord ang outbreak kag ang apektado nga populasyon amo ang nasagod nga mga pato.
Base pa sa government’s report, at least 428 ducks ang susceptible sa virus samtang 15 naman ang kumpirmado nga positibo sa H5N2 bird flu.
Natalana man nga himuon ang surveillance sa guwa sang restricted zone sang bird flu outbreak.
Base pa sa official government report, mahimo nga wild birds ukon ang mga bagay nga nagadala sang virus amo ang rason sang sini nga outbreak sa pungsod.
As of Jan. 3, yara na sa 136 barangays sa 53 municipalities sa siyam ka mga probinsya sa lima ka mga rehiyon ang apektado sang bird flu.
Una naman nga ginpasalig sang Department of Agriculture (DA) nga ang outbreak sa Camarines Norte ang may yara lamang sang low transmission rate sa mga tawo kag indi sini sarang mapasaka ang presyo sang mga itlog kag karne sang manok.
Nag-dagdag naman ang ahensya subong nga semana sang temporary ban sa imported poultry products halin sa New Zealand bangud man sa confirmed H7N6 bird flu outbreak.#
