Ginakabig ang Pilipinas bilang isa sa mga deadliest country sa bilog nga kalibutan para sa environmental defenders sa sulod sang 13 na ka-tuig.
Ini ang base sa pagtuon sang isa ka watchdog group sa climate justice nga Global Witness.
Suno sa data, ikatlo ang Pilipinas sa bilog nga kalibutan kun sa diin 12 ka environmentalists ang napatay sa sulod lang sang 2025.
Apang kun pagasumahun ang kabug-usan nga numero sang mga ginpatay kag nadula nga environmental defenders halin 2012-2025, yara na ini sa 318.
Kabahin sa mga ginbawian sang kabuhi sa pungsod sang 2025 amo ang anum ka indigenous people, tatlo ka mangunguma, isa ka journalist, kag duha pa ka indibdidwal.
Suno sa executive director sang Indigenous Peoples’ Rights International nga si Joan Carling, government military operations ang isa sa mga nagapanguna nga rason sang nasambit nga mga kamatayon.
Base sa Global Witness, nagakatabo ang mga engkwentro sa tion nga ginaakusaran sang militar ang mga indibidwal nga nagadepensa sang ila kaugalingon nga duta nga komunista ukon mga terorista.
