Gindakop ang isa ka Pinoy sa Estados Unidos sang Amerika matapos ginbuno sini ang iya duha ka mga upod bangud sa away nga ginapahayag nag-ugat sa orange juice.
Ini amo si Phil John Yumang nga gindala na sang US Immigration and Customs Enforcement (ICE).
Gin-aresto siya sa Las Vegas, Nevada sang April 28.
Nahibaluan man nga illegal alien ang suspek ukon wala sang legal nga dokumento para magpabilin sa Amerika.
“Yumang, a criminal illegal alien from the Philippines, told police he stabbed one of the victims because they ‘called him a bad name’ during the fight. Yumang admitted he stabbed his second victim because he was angry at him for intervening,” suno naman sa report nga gin-post sang ICE.
Magapabilin siya sa kustodiya sang ICE samtang padayon ang hearing sa kaso.#
