NUEVA VALENCIA, GUIMARAS- Wala sang ideya ang mga opisyal sang Barangay Sto. Dominggo, Nueva Valencia, Guimaras sa ginapahayag pagpanghilo nga ginkamatay sang pito tanan ka mga ido sa lugar.
Sa interview sang Bombo Radyo kay Punong Barangay Josie Tiñas, iya ginpahayag nga wala siya sang ideya sa ginapahayag pagpanghilo bangud may yara man sang mga nagaroving nga mga tanod sa ila barangay.
Suno kay Tiñas, wala man sila sang namutikan nga persona nga nagalagaw agud magpanghilo sang mga ido sa ila barangay.
Pahayag pa niya, ulihi lang nagpanugid ang mga nagapanag-iya sang ido sa natabo sa ila hinuptanan.
Nahibaluan nga santo sa panaysayon sang mga nagapanag-iya sang ido, nagapalanuka kag nagapalangurog na ang ila hinuptanan sang nagpauli ini, kag ginkatingala nila ang sunod-sunod nga pagkalamatay sang nasambit nga mga ido.
