Ginklaro sang Philippine National Police sa publiko nga wala sang special treatment nga matabo para kay Senador Ronald “Bato” dela Rosa sa tunga sang mga isyu nga may kaangtanan sa warrant of arrest nga gina-angot sa iya.
Suno kay PNP Chief General Jose Melencio Nartatez Jr., ang tanan nga tikang sang kapulisan magapabilin sa mandato sang organisasyon, apisar sa bisan ano nga posisyon sang isa ka indibidwal.
Ginpahayag sang Philippine National Police ini kasunod sang mga palamangkutanon sang publiko kon ipatuman bala ang layi batok kay Senador Ronald “Bato” dela Rosa, nga anay hepe sang PNP.
Ginmanduan na ni Nartatez ang tanan nga police units nga sundon ang standard operating procedures sa bisan ano nga operasyon nga may koneksyon sa senador, kag likawan ang preferential treatment sang impormasyon nga mahimo makaapekto sa operasyon.
Nahibaluan nga si Dela Rosa ang nagapangatubang sang isyu may kaangtanan sa warrant of arrest nga gin-isyu sang International Criminal Court (ICC).
