ILOILO CITY – Sa statement sang press office sa Holy See, nagpaidalom si Pope Francis sa pila ka clinical tests sa aga sang Martes kag nagbalik sa Vatican sang udto.
Wala na naghatag pa sang detalye ang press office.
Ang 86 anyos nga Santo Papa ang nagasuprer sang pila ka mga masakit humalin sang nagligad nga mga tuig.
Sang Marso, nagtinir ini sang lima ka adlaw sa amo man nga ospital bangud sa lung infection kag sang nagligad nga bulan, wala ini nakatambong sa pila ka mga aktibidad bangud sang trangkaso.
Apisar sang health issues, nagapabilin nga masako ang schedule ni Pope Francis.
Gin-anunsiyo sang Vatican ang plano niya nga magbisita sa Mongolia sa Agosto 31- Septyembre 4.
Antes sini, natalana man ini nga magbisita sa Portugal sa Agosto 2-6 agud magtambong sa World Youth Day sa Lisbon kag magabisita sa Shrine of Fatima.
