Ginpahibalo sang Vatican sa publiko nga ginpa-untat na ni Pope Leo XIV (14th) ang “Commission on Donations for the Holy See,” ang mataas nga konseho nga gintukod ni Pope Francis agud mangin mas klaro ang pagdumala sang donasyon kag ang kakulangan sa pondo sang Simbahan Katolika.
Gintukod ini sang Pebrero sini nga tuig samtang nagapa-ayo pa si Pope Francis sa iya balatian, kag may katuyuan nga mangolekta sang kontribusyon gikan sa mga Katoliko, mga obispo kag mga benefactors.
Wala sang rason nga ginpahayag si Pope Leo parte sa iya mando, apang iya ginmando nga ang tanan nga nalikom nga pondo ipasa sa general accounting office sang Vatican kag magtukod sang bag-o nga work group nga magahimo sang pag-usisa kun kinahanglan mag-establisar liwat sang bag-o nga fundraising commission.
Ginsiling naman ni Reverend Tom Reese, isa ka Jesuit priest kag commentator, possible nga limitahan na lang sang Vatican ang mga charitable works sini bangud sa problema sa finances kag kakulangan sang pondo.
