Ginpakigbahin sang American actor nga si Jonathan Roumie ang behind-the-scenes photos sang season 5 sang “The Chosen” kadungan sang Domingo de Ramos ukon Palm Sunday.
Sa mga laragway, makit-an ang aktor nga nagasakay sa asno nga pareho sa istorya sa Bibliya sang nagsulod si Hesus sa Jerusalem.
“Amid the blood, sweat and tears of intense suffering shed during His Passion, it can be difficult to see the triumph of Christ’s Resurrection days later… but Palm Sunday foreshadows Christ’s VICTORY over sin and death. Praise our King,” pahayag sini sa iya nga post.
Nagpanawagan man ang aktor nga magpangamuyo para sa kalinong kadungan sang Semana Santa. Ginpangabay man sini nga ipangamuyo ang mga pigado.
“If there is any message from me this Palm Sunday, it would be to pray for peace and pray for those who are in need of shelter, clothes and food and all the things we take for granted living in the greatest country in the world,” suno kay Roumie. “I think we could pray for those who don’t have the luxuries we have, that would be great.”
Sa personal nga repleksyon, gin-share sini nga ang “The Chosen” amo ang nakabulig sa iya nga mapapag-on ang iya pagtuo kag makapalapit pa sa Ginuo.
Ini nga show ang una nga authentic long‑form series kaangot sa kabuhi kag mga ginatudlo ni Hesukristo. Naga-film na ini subong sang seventh season.
Ang Palm Sunday naman amo ang panugod sang Semana Santa. Ginakomemorar sini ang pag-abot ni Hesus sa Jerusalem sang naghinugyaw ang mga tawo, gintawag siya nga Messiah, kag ginwagayway ang mga ramos bilang pagpasidungog sa iya.#
