ILOILO CITY – Ginkwestiyon ni Caloocan Bishop Pablo Virgilio David ang atrasado nga desisyon sang korte sa kaso ni anay senador Leila de Lima.
Suno sa presidente sang Catholic Bishops’ Conference of the Philippines, gina-abi-abi niya ang suno sa iya maayo nga balita apang ginkwestiyon kun ngaa nga nadugayan kag nakapyansa ang anay senador.
Pahayag niya, ang atrasado nga desisyon sang korte ang nagapakita lamang sang problema sa justice system sang pungsod.
Si anay senador Leila de Lima, nga kilala nga kritiko ni anay President Rodrigo Duterte, ang gin-detain sa Camp Crame humalin sang Pebrero 2017 bangud sa alegasyon sa drug trade, nga makapila niya ka beses nga ginpanginwala.
Sang Lunes, gin-grant sang Muntinlupa Regional Trial Court Branch 206 sa anay senador ang petition nga makapyansa.
Ang una nga acquittal ni De Lima ang natabo sang Pebrero 2021 sang ginbasura sang Muntinlupa Regional Trial Court Branch 205 ang una sa tatlo niya ka mga kaso.
Sang Mayo 12, gin-acquit man sang Muntinlupa Regional Trial Court Branch 204 sanday de Lima kag Ronnie Dayan, nga kaangay niya nga gin-akusaran kag sang iya bodyguard, bangud sa illegal drug trading charge sa grounds nga reasonable doubt.
Sa iya nabilin nga kaso, si De Lima, upod sa pila ka iban pa ang gin-akusaran nga na-angut sa illegal drug trade sa New Bilibid Prison.
